O club está presente en redes sociais como Facebook, Instagram e X (Twitter) onde se comparten fotos dos equipos, horarios e resultados dos partidos, eventos e noticias. Tamén conta con canle de Youtube onde se retransmiten principalmente os partidos do equipo nacional.
Os hashtags ou etiquetas eu principalmente usan nas súas redes son #SempreViña, #SempreAmarelos, #Abejoneta, #Enxame, #AbellónsdoRibeiro, #BalonmánRibeiro e #JabalíesdoRibeiro, que reflicten a súa identidade e a dos seus equipos.
Agora tamén conta cunha páxina web, que expande a súa imaxe e a comunicación con socios, xogadores, pais e patrocinadores.

O club tamén ten cobertura en medios locais e autonómicos.
O xornal «La Región» segue de preto ao primeiro equipo, mentres que «Faro de Vigo» e «La Voz de Galicia» publican noticias de xeito máis esporádico. Ademais, “Telemiño” realiza reportaxes, emite partidos locais, e entrevista a membros do club para achegar información sobre a actualidade.